சாருவின் சரசம்-சல்லாபம்-சாமியார்

அன்பு நண்பர்களே,  சாருவின் சரசம்-சல்லாபம்-சாமியார் படித்து முடித்து விட்டேன்.இனி கீழே வருவது புத்தகத்தின் விமர்சனம் அல்ல.வேறு எப்படி என்றாலும் எடுத்துகொள்ளுங்கள்.

சாரு, சரசம்-சல்லாபம்-சாமியார் என்ற டைட்டிலுக்கு  முதலில் copyright வாங்கி வைத்துக்கொள்ளுங்கள் ஏனனில் பிற்காலத்தில்  பட அதிபர்களிடம் நாம் சண்டைக்கு செல்ல நேரிடும்.அவ்வளவு அருமையான, பொருத்தமான டைட்டில் இது.

 சாரு, நீங்கள் உங்கள் நண்பர் கண்ணனை மட்டுமல்ல என்னையும் பிடதி ஆசிரமத்திருக்கு அழைத்து சென்றது போல் தான் இருக்கிறது புத்தகத்தை படிக்கும் பொழுது.

புத்தகம்  பிடதி ஆசிரமத்தின் terms & conditions -ல் இருந்து ஆரம்பிக்கப்படுகிறது.எப்படி நித்தி இப்படி பயமே இல்லாமல் terms & conditions வகுத்துகொண்டுள்ளார் என்பது ஆச்சிரியபட  வைக்கிறது.

நித்தியானந்தாவை மட்டுமல்லாமல் அவருடன் இருக்கும் பிற நந்தாக்களின் மடத்தனத்தினையும் குருரத்தனத்தினையும் வெளிச்சம் போட்டு காட்டியுள்ளார் சாரு.

ஏமாற்றுபவர்கள் விட ஏமாறபட்டவர்களின் வாய் சொவுடால் தான் தாங்க முடியவில்லை ,வேறு யாரு ராகசுதாவை தான் சொல்கிறேன். இன்னமும் ஏமாந்து கொண்டுதான் இருக்கிறார் போல.ஆனால் அவர் பாடல்களை மாற்றி எழுத தெரிந்த கவிதாயினி என்று இப்பொழுதுதான் தெரிந்து கொண்டேன்.

ரஞ்சிதாவை பற்றி கூற தேவை இல்லை...

ஆங்காங்கே சாரு நமக்கு தெரிந்த தெரியாத சில உண்மையான யோகிகளை பற்றி புத்தகத்தில் பற்றி குறிப்பிட்டு இருக்கிறார்.உண்மையிலேயே நித்தி போன்ற குஜால் சாமியார்கள் வாழும் உலகில் சாரு குறிப்பிடும் யோகிகளை நாம் தெரிந்து கொள்வது அவசியம். (நித்திக்கும் அவர்களுக்கும் சம்பந்தம் இல்லை).

கட்டுரையில் ஆங்காங்கே ரஜினி, கலைஞர்,காமெடி  நடிகர், வாரிசு தலைவரின் நண்பர் அபி ;-) போன்றோர் வருகிறார்கள். (நித்திக்கும் அவர்களுக்கும் சம்பந்தம் இல்லை).

ஆரம்பத்தில் கூறியது போல,சாரு தான் நண்பர் கண்ணனை மட்டுமல்ல என்னையும் பிடதி ஆசிரமத்திருக்கு அழைத்து சென்றது போல் தான் இருக்கிறது புத்தகத்தை படிக்கும் பொழுது.

ரிப்போர்ட்டரில் இத்தொடரை படிக்காதவர்கள், சரசம்-சல்லாபம்-சாமியார் வாங்கி படியுங்கள்.  மேலும் பல உண்மைகளை தெரிந்து கொள்வீர்கள்.