அந்த மூன்று புத்தகங்கள்

நண்பர்களே, கொஞ்சம் வேலை பளுவினால் கடந்த 1 வாரத்திற்கு மேல் நீ நான் உலகத்திற்கு என்னால்  வர முடியவில்லை.

34 வது புத்தக கண்காட்சி என்ற பதிப்பில் நான் மூன்று புத்தகங்கள் வாங்கிருந்தேன் என்று சொன்னேன் அல்லவா. அவை கண்ணதாசன் பதிப்பகத்தாரின்

• பாக்யராஜ் பதில்கள்  பாகம் - 1
• பாக்யராஜ் பதில்கள்  பாகம் - 2
• பாக்யராஜ் பதில்கள்  பாகம் - 3
 

ஆம், நடிகர் பாக்யராஜின் பதில்கள் தான் அவை. பாக்யராஜ் ஒரு சிறந்த நடிகர், இயக்குனர் என்பதை விட மிக சிறந்த பத்திரிக்கை ஆசிரியர் என்று நமக்கு தெரியும்.


அவரின் பாக்யா இதழில் வெளிவந்து கொண்டிருக்கும் பாக்யராஜ் பதில்களின் தொகுப்பு தான் இந்நூல்கள். கண்ணதாசன் பதிப்பகத்தாரின் அற்புத முயற்சி இது.

என் சிறு வயதிலேயே என் தந்தையும்  தாயும் பாக்யாவின் தீவிர வாசகர்கள் என்று எனக்கு தெரியும். அவர்கள் மூலம் புத்தகம் படிக்கும் பழக்கத்தை ஏற்படுத்தி கொண்ட நான், பின்னாளில் பாக்யாவின் தீவிர ரசிகன் ஆனேன். புத்தகம் வந்ததும் முதல் வேலை
பாக்யராஜ் பதில்கள் படிப்பதுதான்.

வாசகர்களின் ஒவ்வொரு கேள்விக்கும், அழகான அருமையான சின்ன உவமையோடு பதில் தருவது பாக்யராஜை மிஞ்ச யாராலும் முடியாது என்பது என் கூற்று. எப்பேர்பட்ட கேள்விக்கும் பதில் தரும் வல்லமை அவரிடம் உண்டு.

மூன்று புத்தகங்களையும் மூன்று முறை படித்து விட்டேன், இன்னும் அலுப்பு தட்டவில்லை. நண்பர்களே நீங்களும்   பாக்யராஜ் பதில்களை படித்துவிட்டு உங்கள் கருத்துக்களை பதிய வைக்கவும்.